#Evdə QALereya. Evdən çıxmadan incəsənətdən zövq alın – FOTO – VİDEO

#Evdə QALereya QGallery-nin (“Qız qalası” qalereyası) təşəbbüsü ilə yaradılan video layihədir.

Bir neçə gündən bir qalereyanın sosial şəbəkələrdəki səhifələrində istedadlı rəssamların yaradıcılığına və tərcümeyi-halına həsr olunmuş məlumatlandırıcı videolar çıxır.

Yeni layihənin ideya və konsepsiyası, habelə qalereyanın özü haqqında daha çox məlumat əldə etmək üçün Azərbaycanın Əməkdar incəsənət xadimi, Dövlət Rəssamlıq Akademiyasının dosenti, Rusiya Rəssamlıq Akademiyasının fəxri üzvü və “Qız qalası” (QGallery) özəl rəsm qalereyasının direktoru Emin Məmmədovla əlaqə saxladıq.

“Hər kəsin “Qız qalası” qalereyası kimi tanıdığı QGallery 90-cı illərin sonlarında mən və atam, Azərbaycanın Xalq artisti Səlhab Məmmədov tərəfindən yaradılıb. O vaxt qalereyam atamın emalatxanasında, onun yaradıcılıq studiyasında açıldı. Açıldığı gündən qalereyamıza bir çox savadlı insanlar - sənət həvəskarları baş çəkdilər.

Koronavirusun yayılması ilə əlaqədar indiki vaxtda sənətkarlarımız da təcrid olunmuş vəziyyətdə, olduqca çətin bir dövr keçirirlər. Düzdür, mənə görə, bu dövr çox məhsuldar ola bilər - çünki rəssam yeni əsərlər yarada, çox düşünərək beyninə çox maraqlı fikirlər gələ bilər.

90-cı illərin sonları da yaradıcı insanlar üçün çox çətin bir dövr idi, yeni müstəqil dövlət quruculuğu prosesi davam edirdi, onlar yeni dünyanı anlamalı və həyatlarını ona görə qurmalı, habelə azadlıq və müstəqilliyin ortaya çıxması şəraitində yaradıcılıqlarını hara yönəldəcəklərini müəyyən etməli idilər.

Həmin günlərdə ən məşhurlarından tutmuş ən gənc rəssamlara qədər bütün yerli rəssamlar öz rəsmlərini bizim qalereyada sərgiləyirdilər.

Bir paralel çəkirəm, çünki indi bütün muzeylər, qalereyalar və sərgi salonları bağlıdır, bütün tədbirlər ləğv edilib. Yəqin ki, # EvdəQal şüarını artıq görmüsünüz.

İndi dünyadakı vəziyyətlə əlaqədar olaraq, ölkə rəhbərliyinin vətəndaşların və onların sağlamlıqlarının təhlükəsizliyini təmin etmək üçün həyata keçirdiyi tədbirləri görürük. Bu təşəbbüsə qoşularaq # Evdə QALereya layihəsini yaratdıq. Bu layihə çərçivəsində sənət adamları və sənət həvəskarları ilə əlaqə saxlayırıq və insanları istedadlı müasirlərimizin sənət işləri ilə tanış etməyə davam edirik. “Evdə QALereya” layihəsinin əsas ideyası da məhz budur” deyə, Emin Məmmədov qeyd edib.

#Evdə QALereya təşəbbüsü ilə yaradılan videolar: 

https://www.youtube.com/watch?v=cJnjMbZRKiw&feature=emb_logo

https://www.youtube.com/watch?time_continue=87&v=0oUHe7EkUqc&feature=emb_logo

https://www.youtube.com/watch?v=tKGtMX6qpZc&feature=emb_logo

https://www.youtube.com/watch?v=ZiRs538akTw&feature=emb_logo

https://www.youtube.com/watch?v=GbJji6t5MfY&feature=emb_logo

Mənbə: 1news.az