Aut quia eos reprehe
2021 World of Wearableart Awards müsabiqəsi
Son müraciət tarixi: 26 mart 2021-ci il
Kimlər müraciət edə bilər: dünyanın hər yerindən 18 yaşdan yuxarı dizaynerlər
Mükafatlar: qaliblər üçün təqribən 124,206 ABŞ dolları məbləğində mükafat fondu
Təsvir
Yeni Zelandiyanın Vellinqton şəhərində təşkil olunan möhtəşəm şouda finalçıların geyimlərini nümayiş etdirən, dünyanın aparıcı geyim incəsənət müsabiqəsi olan World of WearableArt (WOW) təqribən 60.000 nəfərlik auditoriyaya malikdir. Son 30 il ərzində hər il uğurla həyata keçirilən müsabiqənin builki mərhələsində dizaynerlərdən altı mövzudan birini seçmələri istənilir: Memarlıq, Monoxromatik, Elizabet dövrü, Avant-garde, Aotearoa və Open.
Uyğunluq meyarları
Müraciət etmək üçün bütün müraciətçilər 18 yaş və ya daha yuxarı olmalıdır (26 mart 2021-ci il tarixində). İştirakçılar dizaynlarının rəsmlərini və ya eskizlərini təqdim edə bilməzlər, ancaq təqdim etdiyiniz işə dair ən azı dörd tam ölçülü fotoşəkil əlavə edilməlidir. İştirakçılar paltarlarını istənilən mərhələdə hazırlamağa başlaya bilərlər.
İllərdir paltarınız üzərində işləyirisinizsə və ya müsabiqə açıq elan edildikdən sonra onun üzərində işləməyə başlamısınızsa, iştirak üçün uyğun gəlirsiniz. Geyim kimi həm də bir sənət əsəri olan istənilən iş orijinal, innovativ və yaxşı hazırlandığı halda səhnədə özünə yer tapa bilər. Moda, tekstil və ya sənaye dizaynı, zərgərlik, memarlıq, mühəndislik, heykəltəraşlıq və rəssamlıq və ya ev quruculuğu sahələri ilə məşğul olan dizaynerlər bu müsabiqəyə müraciət edə bilərlər.
Mükafatlar
Seçilmiş qaliblər üçün ümumilikdə 33 mükafat nəzərdə tutulmuşdur. Bu mükafatlar aşağıdakılardır:
- Ali WOW Mükafatı (qalib 19,873 ABŞ dolları, ikinci yerin sahibi isə 9,936 ABŞ dolları qazanacaq);
- Dame Suzie Moncrieff Mükafatı (qalib təxminən 3,974 ABŞ dolları qazanacaq);
- Mövzular üzrə Mükafatlar (birinci yerin qalibləri təqribən 3,974 ABŞ dolları, ikinci yerin qalibləri 1,987 ABŞ dolları və üçüncü yerin qalibləri təxminən 993 ABŞ dolları qazanacaq);
- İlk dəfə iştirak edən Mükafatı, Tələbə İnnovasiya Mükafatı, Geyilə bilən texnologiya Mükafatı, Dayanıqlılıq Mükafatı, Beynəlxalq Mükafatlar və Gənc Dizayner Mükafatı nominasiyaları üzrə qaliblər hər biri müvafiq olaraq 3,312 ABŞ dolları qazanacaq, lakin Ümumi Beynəlxalq Qalib nominasiyası üzrə seçilmiş iştirakçı təqribən 3,974 ABŞ dolları, üstəgəl təqribən 2,649 ABŞ dolları dəyərində səyahət paketi əldə edəcək.
Necə müraciət etmək olar?
Ətraflı məlumat almaq və müraciət etmək üçün rəsmi sayta daxil olmağınız xahiş olunur.
Mənbə: http://www.mladiinfo.eu/
Bizi sosial şəbəkələrdə izləyin:
Facebook: facebook.com/creative.az
Instagram: https://www.instagram.com/kreativaze/
LinkedIN: https://www.linkedin.com/company/kreativaze
Telegram: https://t.me/kreativaze